Bíó

Við fórum á Gríska Menningu í gær. Við borðum Músakka sem var bara mjög gott, en hins vegar klúðruðu kokkarnir Pastatíinu. Þeir bjuggu það til með röngun núðlum. Og þar sem við erum á Hawaii var boðið upp á matin með grjónum í staðin fyrir tzatsiki eins og hefð er í Grikklandi. Mér finnst nú álíka slæmt að brjóta þá hefð og að manni sé ekki boðið upp á snakk og salsa á Mexikönskum veitingastað.

Í gærkvöldi horfðum við svo á bíómyndina Pathfinder. Myndin var ekkert spés en ég gat nú samt ekki annað en hlegið af henni. Það voru nefnilega víkingar í henni, og víkingarnir töluðu náttúrulega íslensku. Nema hvað að það var varla hægt að skilja neitt sem var sagt, því að það var svo mikill erlendur hreimur hjá sumum leikurunum. Hefði verið betra ef það hefði verið talað inn á hana með alvöru íslensku. Svo var aldeilis máluð slæm mynd af víkingum, þeir voru settir fram sem morð óðir villimenn með ekkert á milli eyrnanna.

Kalimera

Um hádegisbil á morgun verður haldið upp á Gríska menningu niður í bæ, og mun allt í fullu fjöri þar til um níu annað kvöld. Og þrátt fyrir að þetta hafi verið árlegur viðburður allan þann tíma sem við höfum búið hér, þá bara höfum við aldrei farið. Á morgun ætlum við að bæta úr því aula ástandi og drífa okkur. Maður slefar bara yfir tilhugsununni um Grískan mat, namm! En kannski klúðrar kaninn eldamennskunni. Ég vona bara hið besta.

Hermenn

Það er frídagur í vinnunni og skólanum í dag. En aumingja Bret þurfti samt að fara að vinna. Stelpurnar tóku þátt í Operation Hele On í dag. Þá fá þær að vera hermenn í einn dag, svaka gaman. Gipsy tók þátt í þessu í fyrra líka en Cheyenne var of lítil þá. Hún var nú svolítið óörugg þegar ég skildi hana eftir í dag. Hún var meira að segja svolitið vonsvikin yfir að hafa ekki lent í sama hóp og Gipsy var sett í, og þá er mikið sagt.

Ég verð í því að taka til í dag, húsið er í el rústos! Svo þarf maður víst að byrja að pakka niður í kassa líka. Það er svo gaman hjá kettinum okkar þessa dagana. Hún elskar að fela sig og leika sér í kössunum.

Brjalað Veður

Það er bara mikið um að vera hér á Hawaii. Það er verið að berjast við eld á norður hlutanum á þessari eyju, gengur víst ekki allt of vel. Sá í fréttunum að það var víst jarðskjálfti upp á 5,3 fyrr í kvöld á stóru eyjunni, en engin tsunami viðvörun var gefin út. Svo er líka fellibylurinn Flossie á leiðinni hingað, en hann á víst að fara fram hjá okkur. En maður veit aldrei hvað skeður, það verður kannsi smá rigning og rok hjá okkur á morgum.

Það er próf í heimspeki annað kvöld og ég er ekki búin að læra neitt. Pirrr!!!!

Mikið um að vera

Það var bara ekkert smá drama í vinnunni í dag. Einn 9 ára gutti trompaðist þegar hann var sendur á skrifstofuna fyrir slæma hegðun (hann er með Cheyenne í bekk). Litli gaur hljóp út af skólalóðinni og neitaði að fara aftur í skólan. Þegar það var reynt að hjálpa honum að fara aftur inn í skólan þá sparkaði hann í pungin á einum ráðgjafanum, svo var hann að reyna að bíta starfsfólkið líka. Það var hringt í foreldrana hans og líka á lögguna.

Svo var maður ekkert að fá neinar smá fréttir frá pabba. Maður á bara sko eitt stykki systir í danmörku. Hún heitir Olga og á 2 litlar stelpur. Haha, ég er samt ennþá yngst.

Það var opið hús í skólanum hjá Gipsy í gærkvöldi. Geysp og gap, það var svo leiðinlegt. En maður verður víst að gera meira en það sem er gaman. Við hittum alla kennarana hennar, flestir virtust vera ágætir. Ja, nema kannski ensku-kennarinn hún var svona dálítið dauf og þreytt. Annað augað í henni var líka bókstaflega eldrautt, svo að Gipsy finnst hún vera krípý. Og svo gefur hún víst mikið að læra heima, sem er aldrei vinsælt hjá dóttir minni.
Kennarinn sem kennir samfélags og landa fræði, er sennilega á sextugs aldrinum og það er einhvað að honum. Hann talar rosalega lágt, en er samt hress og fyndin. Hann er með rosa kæki, eða þá að einhvað er ekki í lagi í taugakerfinu á karl greyinu. Önnur öxlin á honum kippist altaf til, og svo skellir hann saman tönnunum svo að það heyrist vel í þeim. Það gæti verið erfitt að einbeita sér af því sem kennarinn er að segja í staðin fyrir hvað hann er að gera.

Það verður opið hús í skólanum hjá Cheyenne í næstu viku. Það ætti nú að vera aðeins skemmtilegra þar sem hún er ekki með marga kennara og margar skólastofur. Kennarinn hennar er ólétt og á að eiga í næsta mánuði. Auminga litla Chey þarf að fá annan kennara á meðan kennarinn hennar er í fæðingar orlofi. Það verður kannski erfitt fyrir hana.

Og hver ætlar að koma í kaffi og köku á morgum þegar ég á afmæli? Munið þið ekki elskurnar að ég er að verða 35 ára á morgum… Sem betur fer man Bret að ég er bara að verða 29 ára.

Blaður

Ég fer í skólan í kvöld, og svo í próf í næstu viku. Oj, ég virkilega hata proóf. Nú eru dömurnar mínar búnar að vera í skólanum í næstum 2 vikur. Gipsy fer í skólan í skóla strætó því að skólin hennar er ekki í göngufæri. Cheyenne labbar venjulega eða fer á hjólinu sínu.

Ég get varla beðið fram í október, en þá fáum við að flytja í betra húsnæði. Húsið sem við flytjum í er tvíbíli og lúxusinn líka, það er á einni hæð. Við höfum ekki búið í húsi á einni hæð síðan við vorum í Grikklandi.

Jæja það er kannski best að sletta í sig nokkrum kaffibollum til að sofna ekki í skólanum í kvöld. Já og svo þarf ég víst að leiðrétta 2 ritgerðir sem ég hef ekki hugmynd um hvar eru.