2+2=4

Ég fór að taka stöðupróf í reikningi í dag. Ég náði ekki einu sinni fyrsta hlutanum svo að ég stend illa. Það hjálpar náttúrulega ekki til þegar reiknikerfið er með fetum og tommum og “yards” hvað sem það nú kallast á íslensku. Því miður eru ekki allar þjóðir jafn gáfaðar og við íslendingarnir sem notum metrakerfið til að einfalda allan reikning. Ráðgjafinn í skólanum spurði hversu langt ég hafi lært reikning áður fyrr. Á klakanum vorum við nú farin að læra algebru í gaggó en það var náttúrulega fyrir næstum 20 árum síðan. Og grautarhausinn minn man ekkert lengur en hann þarf að muna. En mér var boðið að mæta í stærfræði tíma á þriðjudagskvöldið og sjá hvað væri verið að kenna og hitta kennarann. Hann á víst að vera rosalega góður. Það kemur bara í ljós.

Ég er svo agalega ánægð því að eftir rétt rúman klukkutíma þá byrjar fyrsti þátturinn af nýju þáttaseríunni Greys Anatomy. Svo byrjar líka nýja serían af CSI og auðvitað á sama tíma svo að ég verð bara að horfa á það í tölvunni seinna. Ég er annars að pæla í að pannta mér svona áskrift af Digital upptökutæki frá kabal fyrirtækinu. Þá missir maður nú ekki af neinu. Það er víst hægt að taka upp eins og 30 klst af sjónvarpsefni á það tæki.

Ein vika i viðbot

Jæja nú er ekki nema ein vika þar til að við flytjum. Það sem er mest pirrandi er að það eru kassar út um allt. Ég get ekki beðið þar til að ég get rifið allt upp úr kössunum aftur og hent kössunum í geymslu. Jú maður þarf víst að pakka sér niður aftur eftir svona sjö til átta mánuði.

Skólinn byrjar svo aftur á mánudaginn. Og ég er alveg glórulaus með hvaða fag ég tek. Það er boðið upp á algebru en ég bara man ekki neitt um hana. Svo að ég skít fell sennilega nema bara ef Bret tekur hana líka, þá verður hann að kenna mér allt sem hann lærir. Reyndar þarf að taka stöðupróf til að sjá hvort maður kunni nóg til að taka reikninginn. En ég á nú von á að það verði bara hlegið af mér, og svo settur stór stimpill á blaðið HAFNAÐ! Ég geri samt ráð fyrir að þetta verði krossapróf svo að maður svarar kanski rétt hér og þar, og þá náttúrulega algerlega á óvart.

Djís, það er næstum komin Október og ég ekki einu sinni búin að setja inn neinar myndir fyrir September. Ég bæti úr því við tækifæri.

Sorg

Hún Kata frænka mín var jörðuð í dag. Hún var svo góð kona hún Kata mín. Ég var altaf á Norðfirði hjá henni og Dóra á hverju sumri þar til að ég varð 15 ára. Ég á svo margar góðar minningar af dvöl minni þar. Hún var altaf svo voðalega þolinmóð og kenndi mér svo margt. Ég sakna hennar mikið.

Gömul mynd af Kötu og Ömmu á Eskifirði

Sma Pasa

Ég fékk loksins loka einkunnina mína úr síðasta heimspeki áfanganum. Ég fékk A jibbí! Nú þarf maður víst að ákveða hvað maður tekur á næstu önn sem byrjar 1. Október. Ætli maður reyni ekki að taka eins og 2 áfanga, úff. Ef þetta gengur allt upp þá ætti ég vonandi að getað útskrifast í Mars með associates degree í liberal arts. Svo ætti maður að fá góða pásu áður en hjúkku námið tekur við.

Nú eru bara 2 vikur þangað til að við flytjum í hitt húsið. Ég er náttúrulega ekki farin að setja mikið í kassa ennþá, en maður fer nú að drífa sig í þessu. Ég get ekki beðið eftir að flytja úr þessari kompu!!! Þetta raðhús er svo eldgamalt, illa hannað, og að hrynja líka.

Ég elska Kakó

Gipsy átti einhvað bágt með að jafna sig eftir magapestina um helgina. Svo að Bret for með hana til læknisins. Þá kom í ljós að hún hafi verið með svo mikið vökvatap úr líkamanum eftir flensuna og að hún hafi ekki náð að drekka nógu mikið til að bæta úr því. Svo að læknirinn sagði að hún yrði að drekka fullt af vatni og Gatoraide. Hún fór í skólan í dag svo að hún er orðin betri.

Maðurinn minn mútaði mér með heitu kakói til að koma að horfa á hann og stelpurnar í TaeKwonDo. Svo ég sit hér og sötra á, namm! Og horfi á þau og tölvuna mina til skiptis. Þau eiga svo að fara í próf í næstu viku til að fara upp á hærra stig, og ef allt gengur vel fá þau nýtt belti. Ef ég man rétt þá fá stelpurnar grænt belti. Annars er ég ekki alveg að fatta því það er tonn af fólki hér í kvöld. Svo að flest öll sætin hér sem maður getur séð vel úr eru tekin.

Svo sá ég í gær að það sé búið að lækka Apple Síman um slatta í verði, og ég er alveg sjúk í svoleiðis síma. Eninga meninga mig langar í fullt af peninga svo ég og karlin geturm kaupt svoleiðis síma. Já og svo auðvitað langar Gipsy og Chey í svoleiðis líka.

Flott Helgi

Það er 3ja daga helgi hér hjá okkur, hehe frí á morgum. Því miður verð ég víst að læra... Sem betur fer eru bara 11 dagar eftir af önninni. Ég á að skila inn uppdrætti af 7 síðna ritgerð á þriðjudaginn og svo senda ritgerðina inn fullkláraða á föstudaginn. Og auðvitað hef ég ekki svo mikið sem skrifað einn staf.

Aumingja Gipsy er með einhverja magaflensu. Hún er búin að vera ælandi og sitjandi á klóinnu í allan dag. Hún á bara alveg voðalega bágt.

Bret er búin að vera voðalega slæmur í bakinu í tæpar tvær vikur, en er loksins að lagast. Svona er ellin slæm!

Við keyptum nýja ilife 08 fyrir makkana okkar. Rosa fínt og virkar rosalega vel t.d. bjó ég til þetta video fyrir neðan á nýja imovie og það tók ekki nema bara nokkrar mínútur. Svo er iphoto albúmið líka mikið betra í nýju uppfærslunni.

undefined Just Having Fun



Add to My Profile | More Videos